Kezekte.kz платформасында ҰММ сақтандыру

Қазақстанның фермерлері жыл бойы мал шаруашылығы саласында сақтандыруды жүзеге асыра алады, онда олар сақтандыру полисінің құнының 20% төлейді, ал қалған 80% мемлекет субсидиялайды. Бұл туралы baibolsyn.kz agrocredit.kz-тің баспасөз қызметіне сілтеме жасай отырып хабарлайды.

Фермерлер ҰММ (ұсақ мүйізді малды) өз шаруашылығының аумағындағы тәуекелдерден сақтандыра алады - бұл жалпы қамту, сондай-ақ 5 км радиустағы көрші шаруашылықтардың аумағы - бұл кеңейтілген қамту.

Сақтандыру өнімдері осындай тәуекелдерді жабады:

• жұқпалы және аса қауіпті аурулар;
• өрт;
• үшінші тұлғалардың қаскүнемдік әрекеттері;
• қауіпті табиғи немесе апаттық құбылыстар;
• жазатайым оқиғалар - жарылыс, найзағай, тұншығу;
• жануарлардың шабуылы, жылан немесе жәндіктердің шағуы, өмірге сәйкес келмейтін жарақаттар және басқалар.

Сақтандыру кезіндегі бас саны: кемінде 30.

Сақтандыру тарифінің мөлшері сақтандырылған мал санына және қамту аймағына байланысты.

Фермерлер өз тәуекелдерін Kezekte.kz платформасында орналастырылған Agroinsurance ақпараттық сервисінде онлайн режимде Қазақстан Республикасының барлық облыстарында сақтандыра алады. Ол үшін тек электрондық цифрлық қолтаңба болуы керек.

Swiss Re халықаралық компаниясы осы сақтандыру төлемдерінің кепілі болып табылады. Ол қайта сақтандыру компаниясы ретінде тартылды.