Қазақстанда күздік дақылдарды құрғақшылықтан сақтандыру басталды

Сақтандыру компаниялары 2024-2025 жылдарға арналған қысқы дақылдарды құрғақшылықтан сақтандыруға өтінімдерді қабылдауды ашты. Бұл туралы Аграрлық несие корпорациясы хабарлады.

Сақтандыру Kezekte.kz платформасында онлайн режимінде өтеді https://kezekte.kz/. Сақтандыру өнімі топырақтағы ылғалдың жетіспеушілігіне негізделген тәуекелді қамтиды.

Күздік дақылдарды сақтандыруға өтінім 2024 жылдың 29 тамызына дейін берілуі керек. Жеке кабинетте фермер өз алқаптарын көрсетуі, сақтандыру компаниясын анықтауы, сақтандыру шартын жасасуы, сақтандыру сомасының 20% мөлшерінде сақтандыру сыйлықақысының бір бөлігін төлеуі қажет, ал сақтандырушы өз кезегінде оператордың атына сақтандыру сыйлықақысының 80% субсидиялауға өтінім жібереді.

Күздік дақылдар үшін топырақ ылғалдылығының тапшылығын сақтандырудың негізгі шарттары (3 кезең):

• сақтандыру қорғау кезеңі 2024 жылғы 15 қыркүйектен 2025 жылғы 30 маусымға дейін;
• сақтандыру тарифі сақтандыру сомасынан 4,8%;
• максималды сақтандыру төлемінің мөлшері сақтандыру сомасының 48% құрайды.

Өз егістіктерін Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстарының, Абай және Ұлытау облыстарының фермерлері сақтандыра алады.