Алматы облысында бройлер етін өндіру және өңдеу бойынша заманауи құс кешенінің 2-ші кезегін салу жоспарланған. "Қазақстанның Даму Банкі" АҚ ("Бәйтерек" холдингінің еншілес құрылымы) және "Прима Құс" ЖШС осы жобаны қаржыландыру үшін несиелік желі ашу туралы келісімге қол қойды. Бұл туралы baibolsyn.kz ҚДБ баспасөз қызметіне сілтеме жасай отырып хабарлайды.
"Бұл стратегиялық маңызды жоба Қазақстанның азық-түлік қауіпсіздігін нығайтуға және жергілікті өндірістің жоғары сапалы өнімімен қамтамасыз етуге бағытталған. 2025 жылы фабрика іске қосылғаннан кейін өнім шығару көлемі артып, жылына 26,5 тонна құс етін құрайды және 700-ге жуық жұмыс орындарын құруға мүмкіндік береді деп жоспарлануда", - деді ҚДБ баспасөз қызметі.
Жобаны іске асырудың жалпы құны 10,9 млрд теңгені құрайтыны хабарланады. ҚДБ тарапынан бройлер етін өндіру және өңдеу жөніндегі құс кешенін салуға берілетін қарыз сомасы 9 жылға дейінгі мерзімге 8,4 млрд теңгені құрайды. "Прима Құс" ЖШС-нің өз қатысуы 2,5 млрд теңге көлемінде жоспарлануда.
Естеріңізге сала кетейік, "Қазақстанның Даму Банкі" 2024 жылғы шілдеде Агроөнеркәсіптік кешенде (АӨК), тамақ және сусындар өндірісі секторында 2024-2029 жылдарға арналған инвестициялық жобаларды қолдаудың жаңа бағдарламасын жариялады. Осы бағдарлама аясында бройлер етін өндіру және өңдеу бойынша заманауи құс фабрикасын салу үшін ҚДБ қаражаты бөлінетін болады. Бұл қаражат жабдық сатып алуға және құрылыс-монтаждау жұмыстарына бағытталатын болады.
"Бұл құс кешені таяу жылдары жиынтығында жылына 200 мың тоннаға жуық құс етін қосымша беретін Қазақстанның құс фабрикаларының қуатын кеңейту жөніндегі ҚДБ жобаларының пулына кіреді. Бұл көлем ағымдағы сәтте өндірілетін жылына 328 мың тоннамен бірге елдің құс етіне деген ішкі қажеттілігін қамтамасыз етуге және өнімнің бір бөлігін экспортқа жіберуге мүмкіндік береді", - деп хабарлады ҚДБ баспасөз қызметі.
ҚДБ басқарма төрағасы Марат Елибаев бұл жобаны іске асыру келесіге ықпал ететінін атап өтті:
