Тауарлар
Қызметтер
Тасымалдау қызметі
Аграрлық салада жұмыс істейтін қаржы институттарының қызметтерін біріктіруді және "бір терезе" қағидаты бойынша мемлекеттік қолдаудың барлық шараларын ұсынуды ҚР президенті Қасым-Жомарт Тоқаев тапсырды.
"Аграрлық несие корпорациясының әлеуетін күшейту және оған ауыл шаруашылығын субсидиялау жөніндегі әкімдіктердің функцияларын беру қажет. Ол үшін бір цифрлық платформа аясында АӨК субъектілерін жеңілдетілген несиелеу және субсидиялау қызметтерін біріктіру қажет", - деді мемлекет басшысы.
Ол аграрлық салаға жаңа технологияларды енгізу, жерді және басқа ресурстарды ұтымды пайдалану, сондай-ақ жеңілдіктер мен субсидиялардың тиімділігін арттыру арқылы еңбек өнімділігін арттыруға бағытталған ауқымды реформалар қажет екенін айтты.
Сондай-ақ, президент бірыңғай жер салығын қолдануды қайта қарауды тапсырды.
"Іс жүзінде шешілмеген мәселелер көп. Негізгі шарт – салық әкімшілендіруді жеңілдетіп қана қоймай, жерді пайдалану тиімділігін де ескеруі тиіс", - деді Қасым-Жомарт Тоқаев.
