Тауарлар
Қызметтер
Тасымалдау қызметі
ҚР АШМ баспасөз қызметінде ауыл шаруашылығы саласында 2024 жылдың 6 айының қорытындысы бойынша жалпы өнім көлемі 216,9 млрд теңгені құрағанын және 107,1% деңгейінде өсім байқалғанын хабарлады. 2024 жылғы қаңтар-маусымда салаға 58,2 млрд теңге инвестиция тартылды. Бұл туралы baibolsyn.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.
АӨК дамыту бойынша көшбасшы Түркістан облысы болды.
2024 жылға арналған "Ауыл аманаты" бағдарламасын іске асыруға өңірге 10,6 млрд теңге қарастырылған. Жобаға 62 ауылдық округ және 62 кооператив қатысады. Сондай-ақ, 1 215 жобаға қолдау көрсетіліп, 1 701 жұмыс орны ашылады деп жоспарлануда. Бұл бағдарлама AMANATNESIE.KZ платформасында жүзеге асырылады.
ҚР АШМ деректеріне сәйкес 873 мың га алқапқа ауыл шаруашылығы дақылдары егіліп, жоспарланған егіс алқаптарынан 248,2 мың га жиналып, 624 мың тонна астық жиналды. Облыста ауданы 1 640 га жылыжай кешендерінде 152,4 мың тонна өнім пісіп жетілді.
"Облыс мал шаруашылығын дамыту және ет экспорты бойынша жетекші орынға ие: Түркістан облысының үлесіне ірі қара мал басының 14%-ы, қойдың 23%-ы, жылқының 11%-ы, түйенің 15%-ы, өндірілген еттің 12%-ы, сүттің 14%-ы тиесілі. Экспортталатын ІҚМ етінің үлесі 80%, ҰММ - 75% құрайды. Өңірде 9 183 бордақылау алаңы жұмыс істейді",-деп хабарлады ҚР Ауыл шаруашылығы министрлігінің баспасөз қызметі.
Сондай-ақ, 2030 жылға қарай 216,3 мың гектарға су үнемдеу технологияларын енгізу жоспарланғанын атап өткен жөн. 2024 жылдың бірінші жартыжылдығында Түркістан облысында 13,1 мың гектарға су үнемдеу технологиялары енгізілді. Тамшылатып суару 8,1 мың гектарға, ал жаңбырлату технологиясы 5 мың гектарға белгіленді.
