Түркістан облысы Жетісай ауданы Ералиев ауылдық округінде жұмыс істейтін "Даулбай ата" шаруа қожалығы Ресейге жаңа дақыл қырыққабатын экспорттай бастады. Бұл туралы облыс әкімінің баспасөз қызметі хабарлады.
"Ақпан айында 1,5 гектар жерге біз ерте пісетін "Магнус" қырыққабат сұрыпын септік. Пекин қырыққабаты 48-50 күн піседі және алғашқы өнімін берді - 60 тонна. Бұл біздің шығындарымыз толығымен ақталғанын білдіреді. Қырыққабат Мәскеуге жіберіледі", - деді "Дауылбай ата" шаруа қожалығының төрағасы Момынжан Раджапов.
Жетісай ауданының ауыл шаруашылығы және жер қатынастары бөлімінің бас маманы Нұртас Тұрсынбековтың айтуынша, биыл ауданда 1162 гектарға ерте пісетін қырыққабат егіп, болжам бойынша 50 мың тонна өнім алу жоспарлануда. Өнімнің көп бөлігі - "Зарисма", "Валикор", "Магнус", "Кевин Фарао", "Ринда", "Заказ" сұрыптары.
Өткен жылы аудан аграрийлері 981,3 гектарға қырыққабат егіп, 31 919,5 тонна өнім өндірді. Ерте пісетін қырыққабаттың көп үлесі Ресейге, Беларуссияға және Еуропа елдеріне экспортталады.
Жалпы, Жетісай ауданында биыл 79,2 мың гектар алқапқа ауыл шаруашылығы дақылдары орналастырылатын болады. Оның ішінде мақтамен 44 мың га, бақша дақылдарымен - 19 мың га, көкөністермен - 3,3 мың га, жүгерімен - 6 мың га, күрішпен - 727 га, жемшөп дақылдарымен - 6 мың га егу жоспарлануда.
