Абай облысында орман өртімен күресуді жалғастыруда. Қазір төрт учаскеде сөндіру жүргізілуде: Принебесное ауылында, Шүлбі кентінде, Жерновка ауылында және Каштак орманшылығында.
Өртті сөндіруде 1800 өрт сөндіруші жұмыс істеуде, 350 бірлік арнайы техника тартылды, 60-тан астам ТЖМ авиаторлары жұмылдырылды, олардың ішінде ұшу қызметінің тәжірибелі мамандарының 11 экипажы, сондай-ақ әуе кемелерінде техникалық қызмет көрсетуді сүйемелдеу және орындау жөніндегі инженерлік-авиациялық қызметтердің 33 қызметкері, материалдық-техникалық жарақтандыру және жабдықтау мамандары, өңірлік бөлімшелердің директорлары.
Өрт басталғаннан бері 6 мың тоннадан астам су төгілді.
Сондай-ақ, Абай облысында орман өртін сөндіруге еліміздің әр өңірінен өрт сөндірушілер мен құтқарушылар жұмылдырылғанын, сондай-ақ тамақ дайындап, су таситын еріктілер келіп, үлкен көмек көрсететінін еске саламыз.
Өрт сөндірушілердің үйлесімді жұмысының, сондай-ақ олардың жедел әрекеттерінің арқасында өрттің одан әрі таралуын болдырмауға мүмкіндік туды.
Жедел штабтың ақпаратына сәйкес, қазіргі уақытта елді мекендерге тікелей қауіп төніп тұрған жоқ.
