Tyson Foods Қазақстанда жобаны жүзеге асыруды тоқтатты

Ірі американдық инвестор Tyson Foods Қазақстанда сиыр етін өндірудің толық циклін іске қосуды көздейтін жобаны уақытша тоқтатты. Бұл туралы LS ауыл шаруашылығы министрлігіне сілтеме жасай отырып хабарлайды.

Ауыл шаруашылығы министрлігі инвестордың геосаяси жағдайға байланысты жобаны іске асыруды тоқтата тұру туралы ауызша хабарлағанын хабарлады.

"Қазіргі уақытта министрлік басқа ақпаратқа иелік етпейді. Бүгінгі таңда жоғарыда аталған жобаны Қазақстан аумағында Tyson Foods Inc компаниясы тарапынан іске асыру бойынша соңғы шешім жоқ", - деп хабарлады ведомстводан.

Сонымен қатар, Ауыл шаруашылығы министрлігі Қазақстанға осындай ауқымды инвестордың келуі отандық агроөнеркәсіптік кешенді және басқа да аралас салаларды трансформациялауға ықпал ететінін атап өтті. Атап айтқанда, бұл одан әрі премиум нарықтарға экспорттай отырып, ет өндірудің тиімді технологиялық тізбегін құруға мүмкіндік береді.

Естеріңізге сала кетейік, 2019 жылдың желтоқсанында Қазақстанда Tyson Foods және Kusto Group компанияларының қатысуымен сиыр етін өндірудің толық циклін ашу туралы келісімге қол қойылды. Қазақстан Үкіметінің деректері бойынша жобаға инвестиция сомасы $300 млн құрайды. Жоба ауысымына кемінде 2000 бас ірі қара мал сою қуаты бар ет өңдеу зауытын, бордақылау алаңдары, репродукторлар желісін құруды, сондай-ақ ҚР фермерлік шаруашылықтарымен кооперацияны дамытуды көздейді.