Қуаттылығы тәулігіне 60 бас ірі қара мал сою цехы СҚО-да іске қосылды

Солтүстік Қазақстан облысында, Айыртау ауданы Арықбалық ауылында өндірістік қуаты тәулігіне 60 бас ірі қара мал сою цехы іске қосылды. Бұл туралы Ауыл шаруашылығы және жер қатынастары басқармасынан хабарлады.

Meat ecology products компаниясы директорының айтуынша, жобаның құны шамамен 100 млн теңгені құрады. Тәулігіне 3 тоннаға дейін салқындату өнімділігі бар салқындату үлгісіндегі жабдық, сондай-ақ тәулігіне 3 тоннаға дейін мұздату өнімділігі бар қарқынды мұздату тоңазытқыш жабдығы сатып алынды. Жабдық Германияда жасалған.

Кәсіпорында ірі қара мал сою, ұшаны кесу және мұздату жұмыстары жүргізілуде. Ет елордада сатылады деп жоспарлануда.

"Цех барлық талаптар бойынша ашық, барлық қажетті жабдықтар бар. Мал қора, қасапхана және өнімдерін сақтауға арналған мұздатқыш камералар дайындалды... Meat ecology products цехында алты адам жұмыс істейді. Бизнестің бұл түрі өте табысты және перспективалы. Президент өзінің халыққа Жолдауында ауыл шаруашылығын қарқынды дамыту және оны ел экономикасының драйверіне айналдыру қажеттігі туралы айтты. Бүгінгі мал сою пункті осы бағытта жүргізілген жұмыстың оң нәтижесі болып табылады", - деп атап өтті Айыртау ауданының әкімі Ерболат Бекшенов.