Ақмола облысында 6 млн тоннадан астам астық жиналды

Ақмола облысының аграрлары 6 млн тоннадан астам астық бастырды. Тәуелсіздік жылдарында мұндай нәтиже тек 2011 жылы болды, соңғы жылдары өнімділік бойынша ең жоғары көрсеткіш болып табылады. Бұл туралы облыс әкімінің баспасөз қызметі хабарлады.

Бүгінгі таңда облыста 4,5 млн гектар дәнді және бұршақты дақылдар жиналды, бұл егістің жалпы көлемінің 96,1% құрайды. Өңірдегі орташа өнімділік 14 ц/га құрайды, алайда кейбір шаруашылықтарда қазіргі заманғы агротехнологияларды қолданудың арқасында жекелеген егістіктерде өнімділік 60 ц/га жетеді. Мұндай көшбасшылардың қатарында "Максимовское" ЖШС (Сандықтау ауданы), "Дихан Плюс" ЖШС (Зеренді ауданы) және "Журавлевка-1" ЖШС (Бұланды ауданы) бар.

Аймақтың көптеген ірі ауылшаруашылық өндірушілері егін жинау науқанын аяқтады.

Ауыл шаруашылығы басқармасының басшысы Кенеш Әлімжановтың айтуынша, нәтижеге ауыл шаруашылығы құрылымдарының, механизаторлардың, комбайншылардың жемісті еңбегінің, сондай-ақ мемлекеттік қолдаудың арқасында қол жеткізілді.

"Бүгінгі таңда Ақмола шаруалары жоғары көрсеткіштерге қол жеткізіп отыр, олар елдің азық-түлік қауіпсіздігін нығайтып қана қоймай, қазіргі заманғы агротехнологиялардың тиімділігін көрсетті. Ақмола облысы республиканың экономикасы мен ауыл шаруашылығында маңызды рөл атқара отырып, дәнді дақылдар өндірісіндегі негізгі өңір болып қала береді", - деп атап өтті Кенеш Әлімжанов.

Алдағы күндері аймақта егін жинау науқанын толығымен аяқтау жоспарлануда.