Тауарлар
Қызметтер
Тасымалдау қызметі
Ақтөбе облысында "Аграрлық несие корпорациясы" АҚ филиалында несие қаражатын алу кезінде алаяқтық жолымен 970 млн теңге жымқырылған. "Сыбаға" мемлекеттік бағдарламасы бойынша ірі қара мал сатып алуға қаражат бөлінді. Бұл туралы Қаржы мониторингі агенттігінің баспасөз қызметінен хабарлады.
"Тергеу барысында жалған құжаттарды пайдалана отырып, жалған тұлғаларға ресімделген шаруа қожалықтарының атынан асыл тұқымды ІҚМ сатып алуға бөлінген несиелік қаражатты қолма-қол ақшаға айналдырған үш азамат анықталды. Құқыққа қайшы әрекеттермен мемлекетке жалпы сомасы 970 млн теңгеге аса ірі мөлшерде залал келтірілді", - деп хабарлады Агенттікте.
Қазіргі уақытта үш күдікті соттың санкциясымен қамауға алынды. Күдіктілердің жылжымалы және жылжымайтын мүлкі шамамен 260 млн теңгеге тыйым салынды.
