Ақтөбе облысында ауыл тұрғындарына «Ауыл аманаты» бойынша 4 мың бас мал берілді

«Ауыл аманаты»

Ақтөбе облысында «Ауыл аманаты» бағдарламасы бойынша тауарлық несиелеу аясында 350-ден астам отбасы 4 мыңнан астам ұсақ және ірі қара мал басын алды. Атап айтқанда, осы аптада Әйтеке би ауданында бес отбасына мал алуға сертификаттар табысталды. Бұл туралы облыс әкімінің баспасөз қызметі хабарлады.

«Жаннұр» ШҚ басшысы Сағындық Кішкенебаев ауыл тұрғындарына 500 бас ұсақ мал берді, «Еділбай» шаруа қожалығы 20 бас ұсақ мал берді, «Қонысбай» және «Берік-АБ» шаруашылықтары үш отбасына бес жылқы табыстады.

Өңір басшысы Ералы Тоғжанов жобаны іске асыруды күшейтуді тапсырды.

«Ауыл аманаты» - халықтың әл-ауқатын арттыруға тамаша мүмкіндік. Жобаны барынша пайдалану қажет. Ауыл тұрғындары оның тиімділігін көруі керек. Ірі шаруа қожалықтары «Ауыл аманатынының» іске асырылуына тауарлық несиелер бөле отырып, жәрдем көрсетіп отырғаны қуантады. Жобаны қолдайтындардың барлығына алғыс айтамын. Бірнеше жылдан кейін сіз бүгін қолдағандар аяққа тұрып, басқаларға көмектесе алады. Яғни, жоба ауыл тұрғындарының табысын арттырып қана қоймай, адамдарды біріктіруге мүмкіндік береді», - деп атап өтті облыс әкімі.

Ауыл тұрғыны Азамат Мыңбаев атап өткендей, тауарлық несиелер өз ісін бастағысы келетіндер үшін жақсы қолдау болып табылады, өйткені егер кепілмен қамтамасыз ету болмаса, жобаларға қаржыландыру алу мүмкін емес.

Баспасөз қызметі «Ауыл аманаты» жобасы аясында Әйтеке би ауданының тұрғындары «Ақтөбе» ӘКК-не 250,7 млн теңге сомаға 70 өтінім жібергенін, оның 52-сі мақұлдағанын айтты. 17 отбасы өз жобаларын жүзеге асыруға кірісті.

Тауарлық несиелеу аясында ауданның 25 фермасы бұған дейін 25 отбасына 360-қа жуық ірі қара мен жылқы берген.