Тауарлар
Қызметтер
Тасымалдау қызметі
Алматы облысында "Байсерке-Агро" оқу ғылыми-өндірістік орталығының базасында сүт өндірушілерге арналған консалтингтік қызмет орталығын құру жоспарлануда. ҚР АШМ басшысы республиканың оңтүстік өңірлерінде KFM бағдарламасын масштабтау мүмкіндігін ұсынды. Бұл жоба Қазақстанның сүт саласында білікті кадрлардың жетіспеушілігі мәселесін шешуге көмектеседі.
Ауыл шаруашылығы министрі Ербол Қарашөкеев KFM қазақстан-герман жобасының басшысы Уве Веддигемен кәсіпорындардың құзыретін арттырудың, атап айтқанда, тұрақты сүт өндіру саласындағы маңызды мәселелерді талқылады.
«2019 жылғы 6 желтоқсанда мемлекет басшысының Берлинге ресми сапары барысында ҚР АШМ мен ГФР Федералдық азық-түлік және ауыл шаруашылығы министрлігі арасында кооперациялық жобаны іске асыру жөніндегі ниеттер туралы Бірлескен мәлімдемеге қол қойылды. 2023 жылдың қазан айында Қазақстандағы KFM жобасының 1-кезеңі аяқталады», — деді ведомстводан.
16 пилоттық шаруашылықта, атап айтқанда Ақмола, Қостанай, Павлодар және Солтүстік Қазақстан облыстарында отандық және халықаралық сарапшылар тобы басқарушы, сондай-ақ техникалық персоналға кеңес беріп, біліктілігін арттыруда. Олардың практикалық жұмыс бөлігі жемге талдау жүргізуге, сиырлардың өнімділігін арттыруға, фермадағы жұмыс хаттамасын жасауға және сақтауға және т. б. бағытталған.
«Сүт жобасын іске асырудың 2-ші кезеңге көшуі қол жеткізілген нәтижелерді бекітуге, республиканың солтүстік және оңтүстік-шығыс өңірлерін қамти отырып, фермерлерге қолдау көрсету шекарасын кеңейтуге, білікті сарапшылар даярлауға мүмкіндік береді», — деп хабарлады ҚР АШМ баспасөз қызметі..
