Алматы облысының мал өсірушілерін 8,9 млрд теңгеге субсидиялайды

Алматы облысы әкімдігінің қаулысымен 2023 жылға арналған Алматы облысы бойынша асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды субсидиялау бағыттары бойынша субсидиялар көлемі бекітілді.

Барлығы субсидиялауға 8 млрд 927 млн 574 мың 663 теңге бағыттау жоспарлануда.

Етті және етті-сүтті мал шаруашылығына-1,4 млрд теңге, сүтті және сүтті – етті мал шаруашылығына-1,6 млрд теңге көлемінде субсидиялар көзделген.

Ет құс шаруашылығына 4 млрд теңгеден астам, жұмыртқа құс шаруашылығына – 30 млн теңге бағытталады.

Тақырып бойынша оқу: Фермерлерге субсидиялауға өтінімдерді рәсімдеуге көмектеседі

Қой шаруашылығына 1,5 млрд теңгеден астам, шошқа шаруашылығына 234 млн теңге қарастырылған.

Бұдан басқа, "Күту парағынан" өтінімдер бойынша 5,6 млрд теңгеден астам сомаға өтінімдер қанағаттандырылатын болады.

Субсидиялаудың толық нормативтері әкімдіктің қаулысында көрсетілген.

Қаулы 2023 жылғы 20 ақпаннан бастап қолданысқа енгізілді.