Қарағанды облысында бруцеллездің үш ошағы анықталды: Ақтоғай, Қарқаралы және Нұра аудандарында. Құсақ, Мәди және Мыңбаев ауылдарында мал жұқтыру фактілері тіркелді. Бұл туралы өңір әкімінің баспасөз қызметі хабарлады.
Аталған елді мекендерде мал шаруашылығы өнімдерін әкетуге шектеу шаралары енгізілді, үй-жайлар мен аулаларды дезинфекциялау, сау мал басын вакцинациялау жүргізіледі, жануарлардан қайта талдау алынады.
"Бұл ошақтарда адамдардың жануарлардан жұқтыру жағдайлары анықталған жоқ. Инфекцияның себептерін анықтау үшін бруцеллезбен ауыратын адамдарға тиесілі жануарларда диагностикалық зерттеулерге қан сынамаларын алу жүргізіледі. Тұрғындарға ауыл шаруашылығы өнімдерін ветеринариялық бақылауы бар дүкендерден немесе базарлардан сатып алуды, мал шаруашылығы өнімдерін мұқият термиялық өңдеуден өткізуді, жеке гигиена ережелерін қатаң сақтауды ұсынамыз", - деді Қарағанды облысы ветеринария басқармасының басшысы Қайрбек Тұрсынбеков.
Жыл басынан бері Қарағанды облысында тұрғындар арасында бруцеллез ауруының 19 жағдайы тіркелді. Соңғы айда аурудың жаңа фактілері тіркелген жоқ.
