Жер ресурстарын басқару комитетінің аумақтық департаменттері ағымдағы жылдың 9 айында жер пайдаланушыларға, жергілікті атқарушы органдарға және "Азаматтарға арналған үкімет" мемлекеттік корпорациясының филиалдарына қатысты 4,7 мың тексеру жүргізді. 3831 жер заңнамасын бұзу анықталды, оның үштен бірі ауыл шаруашылығы мақсатындағы жерлерді пайдалануға қатысты.
Комитетте атап өткендей, аумақтық бөлімшелер анықтаған бұзушылықтардың көпшілігі ауыл шаруашылығы мақсатындағы жерлерді ұтымсыз пайдалануға не пайдаланбауға жатады (ҚР ӘҚБтК 338-бабы). Жалпы ауданы 1,6 млн га болатын осындай 1190 бұзушылық анықталды.
Екінші орында - жерге мемлекеттік меншік құқығының бұзылуы (ҚР ӘҚБтК 136-бабы) - 26,8 мың га алаңда 1175 бұзушылық. Оның ішінде 21,3 мың га қамтылған бұзушылықтар тексеру қорытындысы бойынша өз еркімен жойылды.
Бұдан әрі жер учаскелерін беру кезінде жер заңнамасын бұзу (ӘҚБтК-нің 137-бабы): 761 бұзушылық анықталды. Барлығы осы жұмыс аясында жергілікті атқарушы органдардың 10 644 шешімі тексерілді, оның 2569-ы заңсыз және жойылуға жатады.
Сондай-ақ, аз көлемде объектілер салуға арналған жерлерді пайдаланбау, жерді мақсатсыз пайдалану, жердің бүлінуі, мемлекеттік жер кадастрын жүргізудің дұрыстығы және т. б. бөлігінде бұзушылықтар анықталды.
Тексеру нәтижелері бойынша департаменттермен барлығы 377,6 млн теңге көлемінде айыппұл салынды, деп хабарлады Жер ресурстарын басқару комитетінде.
