Қазақстанда мемлекеттік қолдаумен мал шаруашылығында сақтандыруға өтінімдер қабылдануда. Бұл туралы АӨК сақтандыру бағдарламасының операторы Аграрлық несие корпорациясы хабарлады.
АКК ауыл шаруашылығы жануарларын сақтандыру шарты 12 ай мерзімге жасалатынын еске салды. Ол малды: аурудан, өрттен, жазатайым оқиғалардан, табиғи апаттардан, ұрлықтан қорғауды қамтамасыз етеді.
Өз шаруашылығының аумағында және 5 км радиуста малды сақтандыруға болады. Шарт жасасу үшін кемінде 10 бас ІҚМ немесе кемінде 30 бас ұсақ мал, жылқы, құс, шошқа сақтандырылуы қажет.
Сақтандыру тарифтері сақтандыру шартының құнынан 1,54% - 9,85% деңгейінде белгіленген және сақтандырылатын жануардың басы мен түріне байланысты болады.
Сақтандыру Kezekte.kz платформасындағы Аgroinsurance ақпараттық сервисі арқылы жүргізіледі. https://kezekte.kz/
