Мәжіліс оған ілеспе түзетулермен "Органикалық өнім өндіру және оның айналымы туралы" заң жобасын қабылдады. Құжат органикалық өнімнің ішкі нарығын қалыптастыруға жәрдемдесуге, сондай-ақ сыртқы нарықтарда отандық өндірушілердің органикалық өнімдерінің бәсекеге қабілеттілігін арттыруға бағытталған. Бұл туралы Мәжілістің баспасөз қызметі хабарлады.
Заңнамаға енгізілген түзетулерде органикалық өнімнің сәйкестік сертификаты құнының 50% субсидиялау және органикалық тыңайтқыштарды субсидиялау көзделеді.
Сондай-ақ, өндірілген өнімнің сапасы үшін ұжымдық жауапкершілік қағидаттарына және оны өндірушілерді топтық сертификаттауға негізделген бірлескен кепілдік жүйесін (PGS) қалыптастыруға және оның жұмыс істеуіне қатысты ережелер қайта қаралды.
Бұдан басқа, органикалық өнімді өткізу кезінде бақылау енгізілуде. Ол тұтынушылардың құқықтары мен халықтың денсаулығын қорғауға, "органикалық" деген атпен сатылатын өнім айналымының жолын кесуге, отандық органикалық өнім өндірушілерді жалған таңбалауға байланысты азаматтарды жаңылыстыратын импорттаушылар тарапынан жосықсыз бәсекелестіктен қорғауға ықпал ететін болады.
Сондай-ақ, заң органикалық өнімді өндіруші оны өндіруге қойылатын талаптарды орындамаған кезде сәйкестік сертификатын тоқтата тұру немесе кері қайтарып алу жөніндегі нормалармен толықтырылды.
