Қазақстанда ауыл шаруашылығы объектілерінің байланыс қызметтерін субсидиялау жоспарлануда

Цифрлық технологияларды енгізу мақсатында ауыл шаруашылығы және өнеркәсіп объектілерінің байланыс қызметтерін субсидиялау қағидаларын Цифрлық даму, инновациялар және аэроғарыш өнеркәсібі министрлігі әзірледі. Ережені бекіту туралы Министрлік бұйрығының жобасы "Ашық НҚА" порталында орналастырылған.

"Жобада өндірістік процестерді оңтайландыруға, ресурстарды пайдалану тиімділігін, ауыл шаруашылығы мен өнеркәсіп өнімдерінің сапасы мен қауіпсіздігін арттыруға мүмкіндік беретін заманауи технологияларды енгізу мүмкіндігін қамтамасыз ету көзделеді", - делінген министрліктің түсіндірме жазбасында.

Шағын кәсіпкерлік субъектілеріне, оның ішінде ҚР аумағында тіркелген, елді мекеннен тыс орналасқан шағын кәсіпкерлік субъектілеріне байланыс қызметтерін субсидиялау жоспарлануда. Жобада субсидиялар салықтық аударымдары бар және қамауға алынбайтын белсенді дамып келе жатқан бизнеске берілетіні көрсетілген.

Интернет желісіне жеке қол жеткізу қызметтері субсидиялауға жатады:

• спутниктік байланыс бойынша 4 Мбит/сек дейін
• спутниктік байланыс бойынша 2 Мбит/с-тан 8 Мбит/с-қа дейін
• радиорелелік байланыс желілері бойынша 20 Мбит/сек дейін.