Тауарлар
Қызметтер
Тасымалдау қызметі
Қазақстанда 2024 жылы қытайлық VODAR компаниясының қатысуымен құны 20 млн доллар болатын ирригациялық жабдықтар шығаратын зауыт ашу жоспарлануда. Тиісті өзара түсіністік туралы меморандумға ҚР Ауыл шаруашылығы министрі Ербол Қарашөкеев пен VODAR бас директоры Карсон Чжоу қол қойды. Бұл туралы ҚР АШМ баспасөз қызметі хабарлады.
Кәсіпорынды "Қорғас Шығыс қақпасы АЭА" аумағында іске қосу жоспарлануда. Бірінші өндіріс желісі биыл іске қосылады. Бұдан басқа, алдағы айларда Алматы және Павлодар облыстарында екі демонстрациялық алаң орнатылады.
Ауыл шаруашылығы министрлігі VODAR компаниясы мемлекеттік қолдаудың қосымша шараларын талап етпейтінін және нарық жағдайында жұмыс істеуге дайын екенін атап өтті.
Қазақстанда су үнемдеу технологиялары енгізілген алаңдар ұлғаюда. Мемлекеттік қолдау аясында фермерлерге заманауи суару жүйелерін сатып алу шығындарының 50% өтеледі. АШМ 2030 жылға қарай қарқынды суару алаңын 750 мың гектарға дейін жеткізуді жоспарлап отыр.
VODAR Қытайдағы ең ірі жаңбырлатып суару жүйелерінің өндірушісі болып табылады. Компанияның суару жүйелері әлемнің 26 еліне, соның ішінде Австралия, Венгрия, Моңғолия, АҚШ және Ресейге экспортталады.
