Қазақстанда биыл бес жаңа су қоймасының құрылысын бастау жоспарлануда. Жұмыс істеп тұрған тағы 15 су қоймасы қайта жаңартылады. Бұл жұмыс еліміздің 11 облысында жүргізіледі. Бұл туралы Су ресурстары және ирриация министрлігінде хабарлады.
"Жаңа су қоймалары суармалы жерлердің ауданын 250 мың гектарға ұлғайтады және 137 мың тұрғыны бар 70 елді мекенді су басу қаупін азайтады", - деп хабарлады ведомстводан.
Өз кезегінде 15 су қоймасын қайта жаңарту 70 мың адам тұратын 64 елді мекенді су басу қаупін азайтуға, сондай-ақ 74 мың га суармалы жерге су беруді жақсартуға мүмкіндік береді.
Биылғы су тасқыны кезеңінің қорытындысы бойынша Су ресурстарын басқару жүйесін дамытудың 2024-2030 жылдарға арналған тұжырымдамасына өзгерістер енгізілетін болады. Президенттің тапсырмасы бойынша оған ауыл шаруашылығында одан әрі пайдалану үшін су тасқынының алдын алу және еріген су жинау пункттері кіреді.
