Қазақстанда жыл басынан бері 650 мың гектарға жуық ауыл шаруашылығы жерлері тәркіленді

2024 жылдың басынан бастап Қазақстанда 645,3 мың га пайдаланылмайтын жер мемлекеттік меншікке қайтарылды. Сондай-ақ, осы кезеңде АШМ Жер ресурстарын басқару комитетінің аумақтық бөлімшелері жер пайдаланушыларға қатысты 321,5 мың га жалпы алаңда 350 жоспардан тыс тексеру жүргізді. Бұл туралы үкіметтің баспасөз қызметінен хабарлады.

Үкімет отырысында пайдаланылмаған және заңнаманы бұза отырып берілген жерлерді алып қою мәселесі бойынша АШМ тексерулерінің қорытындысы бойынша 192,9 мың га алаңда жер заңнамасын бұзушылықтарды жою туралы 210 ұйғарым енгізілгені атап өтілді. Бұрын берілген нұсқамалар бойынша 102,5 мың га алаңда ауыл шаруашылығы жерлерін игеру басталды.

"Бұрын берілген нұсқамалар бойынша биылғы жылы 102,5 мың га алаңда ауыл шаруашылығы жерлерін игеру басталды, 477 мың га алаңда мәжбүрлеп алып қою бойынша сот талқылаулары жүргізілуде", — деді ауыл шаруашылығы вице-министрі Азат Сұлтанов.

Сондай-ақ, кеңесте ауыл шаруашылығы жерлеріне құқық беру рәсімін цифрландыру барысы туралы ақпарат берілді. Ол Жетісу облысының аудандарының бірінде сынақтан өтеді.

Баспасөз қызметі түсіндіргендей, пилоттық жоба аясында ауыл шаруашылығы жерлерін электронды түрде беруге конкурс өткізу жоспарлануда. Мемлекеттік деректер базасын интеграциялау арқылы балдарды есептеудің және жеңімпазды анықтаудың жаңа өлшемшарттары белгіленді. Олар ауыл шаруашылығы жануарларының басын, ауыл шаруашылығы техникасының, қызметкерлердің болуын, тұрғылықты жері бойынша тіркелуін, әлеуметтік кәсіпкерлік тізілімінде болуын көздейді.

"Мен осы жылға комиссия жұмысын қайта форматтауды және өңірлердің халқын жайылымдармен қамтамасыз етуді міндет етіп қойдым. Бұл жұмысты жеделдету керек. Мемлекет меншігіне қайтарылған жерлер, ең алдымен, қажет болған жағдайда халықтың жалпы пайдалануына жайылымдарға берілуі тиіс. Осы мәселелердің барлығын ауылдық округ әкімдерімен, әсіресе мал шаруашылығы дамыған өңірлерде пысықтаңыздар. Биыл біз суару жобаларына қаржылық қолдау көрсетеміз. Жерді қалпына келтіруге және жайылымға беруге болатын жерге талдау жасаңыздар",-деп қорытындылады вице-премьер Серік Жұманғарин.