Қазақстанда жүгеріні өңдеу және экспорттау артады

Қазақстанда 2023 жылы жүгері дақылдары 12,8 мың гектарға өсіп, 193,8 мың гектарға жеткізілді (2022 жылы 180,9 мың гектар). Орташа өнімділігі 65,8 ц/га (2022 жылы - 57 ц/га) 1,2 млн тонна жүгері дәні бастырылды. Сонымен қатар, бұл дақылды өңдеу көлемі де өсуде. Бұл туралы ҚР премьер-министрінің баспасөз қызметі хабарлады.

Жүгеріні өңдеу және экспорттау мәселесі сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның отырысында қаралды. Елде тәтті сусындар, тұздықтар және кондитерлік өнімдер жасау үшін қолданылатын қантты алмастырғыш сірне өндірісі өсіп келе жатқандығы атап өтілді. Егер 2021 жылы елде 46,3 мың тонна сірне өндірілсе, 2022 жылы – 57,3 мың тонна. Ал 2023 жылдың 10 айында 40,7 мың тонна өнім шығарылды.

Бұл ретте жүгеріні терең өңдеу бойынша екі қазақстандық зауыттың жалпы қуаты жылына 210 мың тоннаны құрайды. Қайта өңдеудің өсіп келе жатқан көлемі мен әлеуетін ескере отырып, отандық кәсіпорындармен кондитерлік өнімдер мен сусындар өндірісіндегі қазақстандық сірне үлесін ұлғайту мүмкіндігін талқылау туралы шешім қабылданды.

Сондай-ақ, отырыста Қазақстандық жүгеріні өткізу шаралары тыңдалды. Бүгінгі таңда осы тауар үшін жаңа нарықтарға – ҚХР мен Иранға жеткізу мүмкіндігі пысықталуда, деп хабарлады баспасөз қызметінде.