Қазақстанда алғаш рет 1,5 жылда азық-түлік бағасы төмендеді

1,5 жылда алғаш рет әлеуметтік маңызы бар азық-түлік тауарларының бағасы апталық мәнде 0,1% - ға төмендеді. Жылдық мәнде бұл тауарлар 9,1% - ға қымбаттады. Бұл туралы Ұлттық статистика бюросының баспасөз қызметі хабарлады.

Статистикалық ведомствода 27 маусымдағы мәліметтер бойынша кейбір азық-түлік тауарларының бағасы айтылды. Атап айтқанда, айран 2,5% республика бойынша орташа есеппен 411 теңге/литр, күріш -436 теңге/кг, қырыққабат – 133 теңге/кг.

Барлығы әлеуметтік маңызы бар азық-түлік тауарларының тізбесі 19 атауды қамтиды. Баға мониторингі апта сайын жүргізіледі. Бағаның өзгеруі туралы ақпаратты жинау барлық облыс орталықтарында, республикалық маңызы бар қалаларда және Астанада жүзеге асырылады. Ол үшін әртүрлі типтегі сауда объектілері таңдалады: гипермаркеттер, супермаркеттер, дүкендер, коммуналдық базарлар, әлеуметтік дүкендер және елді мекендердің әртүрлі бөліктерінде орналасқан тауарлардың кең ассортименті бар павильондар.

Естеріңізге сала кетейік, статистикалық мәліметтерге сәйкес, мамыр айында Қазақстандағы инфляция жылдық есеппен 15,9% құрады. Бұл ретте азық-түлік тауарларының бағасы бір жылда 16,5% - ға өсті.