Қазақстан Ауыл шаруашылығы министрлігі мал шаруашылығы мен өсімдік шаруашылығындағы деректерді өзектендіру бойынша жұмыс жүргізді. Мұның нәтижесі ауыл шаруашылығы өнімдері мен мал басының едәуір көлемін есептен шығару болды.
"Ауыл шаруашылығы министрлігінің бастамасымен 2023 жылдың басынан бері 2 млн бас ІҚМ, 3,2 млн бас қой мен ешкі, 3 млн тонна жоқ сүт есептен шығарылды. Есептен шығарылған мал басының негізгі үлесі жеке қосалқы шаруашылықтарға тиесілі. Қосымша 2,5 млн тонна астық, 2 млн тоннаға дейін картоп және 300 мың тоннадан астам пияз есептен шығару жоспарлануда", - деді бүгін үкімет отырысында ҚР премьер-министрінің орынбасары Серік Жұманғарин.
Ол қайталанған тіркеулерді болдырмау үшін ауыл шаруашылығы өнімдерін есепке алу мен қадағалаудың, сондай-ақ субсидиялар берудің ақпараттық жүйелері жетілдіріліп жатқанын атап өтті. Бұдан басқа, шаруа және фермер қожалықтарын, субсидия алушыларды жүз пайыз қамту, статистикалық есептерді тапсыру қамтамасыз етіледі.
Айта кетейік, ауыл шаруашылығындағы малдың санда бар санатта жоқтығы Қазақстан президенті Қасым-Жомарт Тоқаев сөз сөйлеп, Қазақстан халқына Жолдауын жеткізді.
"Күмәнді деректер, басқаша айтқанда, бұрмаланулар ауыл шаруашылығындағы нақты жағдайды бағалауға мүмкіндік бермейді. Арнайы комиссия 2 млн ірі қара және 3 млн астам уақ мал санда бар, санатта жоқ екенін анықтады. Дәл осындай фактілер өсімдік шаруашылығында да анықталды. Шын мәнінде, мұның бәрі мемлекеттен субсидия алу үшін жасалған көзбояушылық. Мұндай қылмыстық әрекетті тоқтатып, онымен айналысқандарды жауапкершілікке тарту керек", - деді мемлекет басшысы.
