Қазақстанда егіс жұмыстары елдің оңтүстігінде жүргізілуде, сондай-ақ батыс және шығыс облыстарының фермерлері егіс жұмыстарын жүргізуде. Бүгінгі таңда 1,4 млн гектардан астам жер егілді, ал жалпы ауыл шаруашылығы дақылдарын 23,4 млн гектар жерге орналастыру жоспарлануда. Бұл туралы Ауыл шаруашылығы министрлігінің баспасөз қызметі хабарлады.
Ағымдағы жылы дәнді және дәнді-бұршақты дақылдардың, жемшөп дақылдарының және қант қызылшасының егіс алқаптарын ұлғайту жоспарлануда. Сондай-ақ, әлеуметтік маңызы бар күнбағыс, көкөніс-бақша, картоп және қарақұмық алқаптары кеңейтіледі.
Тұқым қоры 2,3 млн тонна көлемінде қалыптастырылды. 2023 жылға жергілікті бюджеттерде тұқым шаруашылығын дамытуды субсидиялауға 11,4 млрд теңге қарастырылған.
Бүгінгі таңда өңірлерге бөлінген 419 мың тоннадан 284,4 мың тоннаға жуық жеңілдетілген дизель отыны жөнелтілді. Операторлардың шығыстарын ескере отырып, фермерлер үшін республика бойынша орташа баға нарықтық бағадан үштен біріне арзан және литріне 204 теңгені құрайды.
"Кен дала" бағдарламасы бойынша көктемгі науқанды қаржыландыруға 140 млрд теңге қарастырылған, ол шамамен 2 млн га алқапта егіс пен егін жинауды қамтамасыз етуді жоспарлап отыр. Қазіргі уақытта фермерлерге 133,8 млрд теңге төленді.
Өз кезегінде азық-түлік корпорациясы форвардтық сатып алу бағдарламасына және ірі ауыл шаруашылығы өндірушілеріне тауарлық несиелер беруге кемінде 70 млрд теңге бағыттайды.
