Қостанай облысына су тасқыны кезінде өлген мал үшін өтемақы төленеді. Бүгінгі таңда 780 бас мал шығыны үшін 102 млн теңгеден астам мөлшерде төлем жүргізілді. Бұл туралы облыс әкімдігінде хабарлады.
Төлем процесі ҚР Ауыл шаруашылығы министрлігі әзірлеген алгоритмге сәйкес жүзеге асырылады. Өтемақы алу үшін малдың болуын растау қажет. Бұл үш жолмен жасалады: сәйкестендіру құралдарының көмегімен (құлақ белгілері, микрочиптер, тавро), АШБЖ дерекқоры арқылы, кемінде үш куәгерді тарта отырып, иесінің сөзінен малдың тиесілігін анықтау.
Әкімдікте атап өткендей, су тасқыны салдарынан төтенше жағдай жарияланған өңірлерде залалды, оның ішінде өлген мал бойынша залалды бағалау жөніндегі арнайы комиссиялар жұмыс істейді. Комиссиялардың құрамына өлген малдың санын анықтау және оны кәдеге жаратуды ұйымдастыру үшін оқиға орнына баратын аудандардың ветеринариялық қызметінің мамандары кіреді.
Комиссиялар сонымен қатар зиянды өтеуге өтініш беру үшін қажетті құжаттарды жинауға көмектеседі.
Жергілікті органдар мал иелері мен шаруа қожалықтарын өлген мал үшін өтемақы алу үшін жергілікті атқарушы органдарға жүгінуге шақырады. Өтініштерді қабылдау және төлемдер жалғасуда.
