Қостанай облысында мал шаруашылығын қолдауды арттыру жоспарлануда

Қостанай облысында мал шаруашылығын дамытуға баса назар аудара отырып, ауыл шаруашылығы өндірісін әртараптандыру ұсынылады. Ауыл шаруашылығы басқармасының алқасында облыс әкімі Құмар Ақсақалов атап өткендей, бүгінгі таңда облыста ет және сүт өнімдерінің едәуір бөлігі шетелден әкелінеді. Жергілікті шаруалардың міндеті - өңірдің азық-түлік қауіпсіздігін өз өндірісі есебінен қамтамасыз ету, деп хабарлады облыс әкімдігінің баспасөз қызметінен.

2023 жылы Қостанай облысына 8,5 мың тонна ет және 3,6 мың тонна сүт және сүт өнімдері импортталды..

Облыста мал шаруашылығын дамыту үшін сүт-тауар фермаларының белсенді құрылысы жүргізілуде. 2028 жылға қарай 30 жаңа СТФ пайдалануға беріледі деп жоспарлануда, бұл сүт өндіру көлемін ұлғайтуға және импортқа тәуелділікті азайтуға мүмкіндік береді. Мысалы, жылына 91 мың тонна сүтті қажет ететін "Милх" ЖШС жаңа зауытын толық қамтамасыз ету үшін осындай 20-ға жуық ферма қажет болады.

Сонымен қатар, облыс әкімі аграрларды жер ресурстарын ұтымды пайдалануға шақырды. Құмар Ақсақалов "егін егу және жинау" жеңілдетілген схемасы бойынша жұмыс істеуге болмайтынын атап өтті. Агробизнестің өнімділігі мен рентабельділігін арттыру үшін минералды тыңайтқыштарды белсенді қолдану қажет.