Су тасқынынан зардап шеккен Қостанай облысының аудандарына малға астық пен шөп тасымалдау басталды. Бұл туралы облыс әкімінің баспасөз қызметі хабарлады.
Әкімдіктің мәліметінше, су тасқыны жағдайы Қостанай облысының оңтүстік аудандарында күрделі болып қала беруде. Өңірде облыс әкімі Құмар Асксақаловтың төрағалығымен облыстық жедел штаб жұмыс істейді.
Бүгінгі таңда ауылдарда мал шығыны тіркелуде. Нақты сандар әлі аталмады, бірақ әкімдіктің мәліметінше, ауыл шаруашылығы жануарларының басым бөлігі аман қалды. Оларды сақтау үшін жемшөп тасымалдау жұмыстары басталды.
Атап айтқанда, Арқалық қаласына Әулиекөл, Ұзынкөл, Сарыкөл және Науырзым аудандарынан 45 тонна шөп және 82,2 тонна астық жемі түсті.
Жақын арада Алтынсарин ауданынан жемшөп түседі деп күтілуде, екі КамАЗ жолда.
1 сәуірдегі жағдай бойынша жалпы жеткізу жоспары шамамен 130 тонна жемшөп дақылдарын (шөп, арпа, астық қалдықтары және сұлы) құрайды. Қостанай, Меңдіқара, Сарыкөл аудандары, Бейімбет Майлин ауданы өз көмегін жібереді.
