Ақтауда құны 3,5 млрд теңге болатын көтерме-тарату орталығының құрылысы жүріп жатыр. Толық қуатқа шыққан кезде ол 29 мың тоннаға дейін көкөністер мен жемістерді сақтауға қабылдай алады. Ашылу келесі жылға жоспарланған. Бұл туралы ҚР Ауыл шаруашылығы министрлігінің баспасөз қызметі хабарлады.
Ақтау теңіз портының аумағында жеті жыл бойы азық-түлік тауарларының басқа қоймасы табысты жұмыс істеп келеді. Жоба Әзірбайжан инвесторларының қатысуымен іске қосылды және заманауи тоңазытқыш жабдықтарымен жабдықталған. Нысанға ауыл шаруашылығы вице-министрі Ербол Тасжүреков келді. Ол vемлекет басшысының тапсырмасы бойынша елімізде жеміс-көкөніс өнімдерін сақтау бойынша қажетті инфрақұрылым құру жұмыстары жүргізіліп жатқанын айтты. Көкөніс қоймаларын салу және жаңғырту жөніндегі жоспар өзектендіріліп, 2025 жылға қарай 528,8 мың тоннаға дейін қуаттылыққа дейін ұлғайтылды.
Ербол Тасжүреков сондай-ақ қазіргі уақытта қолданылатын сақтау технологиясына байланысты шығындарды өтеу нормативін 25% - дан 40-50% - ға дейін ұлғайту бөлігінде инвестициялық субсидиялау қағидаларына өзгерістер енгізіліп жатқанын еске салды.
Тағы бір нысан облыстың Мұнайлы ауданындағы құрама жем зауыты болды. Кәсіпорын жыл сайын 15 мың тоннаға дейін өнім шығарады. Өңірді азықпен қамтамасыз ету туралы айта келе, Ербол Тасжүреков алдағы қыстауға жем дайындау процесін жандандыру қажеттігін атап өтті. Бүгінгі таңда Маңғыстау облысында 11 мың тоннаға жуық жем дайындалды, бұл жоспарланған көлемнің 13,4% ғана құрайды.
Сондай-ақ, вице-министр облыстың Түпқараған ауданында салынып жатқан сүт түйе фермасына барды. Жергілікті кәсіпкер өндірісті 2024 жылы іске қосып, жыл сайын отандық нарыққа 2,8 мың тонна шұбат жеткізуді жоспарлап отыр.
Маңғыстау облысында өткен жылы АӨК-те жалпы сомасы 2,2 млрд теңгеге үш инвестициялық жоба іске қосылды. Биыл 1,9 млрд теңгеге тағы жеті жобаны іске асыру жоспарланған.
