Ақтөбе облысында Аграрлық несие корпорациясының несиелерін мақсатсыз жұмсаған үш шаруа қожалығының басшыларына қатысты алаяқтық туралы істер тергелуде. Бұл туралы облыстық прокуратураның баспасөз қызметі хабарлады.
Ведомствоның мәліметінше, Аграрлық несие корпорациясының Ақтөбе филиалы шаруа қожалықтарына "Сыбаға" және "Агробизнес" мемлекеттік бағдарламалары бойынша ауыл шаруашылығы жануарларын сатып алу үшін несие қаражатын берген.
"Алайда, үш шаруашылық ірі қара мал сатып алған жоқ, ал жалпы сомасы 189,5 млн теңгеге несие қаражаты басқа мақсаттарға жұмсалған. Қылмыстық құқық бұзушылық белгілерінің болуына байланысты материалдар Экономикалық тергеу департаментіне жіберілді", - деп хабарлады прокуратурада.
Осы фактілер бойынша Қылмыстық кодекстің 190-бабының 4-бөлігі (Алаяқтық) бойынша сотқа дейінгі тергеу басталды. Қазіргі уақытта бір іс сотқа жіберілді, екі іс бойынша тергеу жалғасуда.
