Бараев атындағы АШҒӨО басшысы ауысты

А.И. Бараев атындағы Астық шаруашылығы ғылыми-өндірістік орталығының басқарма төрағасы Тимур Савин тағайындалды. Орталық ұжымына жаңа басшыны С. Сейфуллин атындағы Қазақ агротехникалық зерттеу университетінің бірінші проректоры Айтжан Абдыров таныстырды.

Тимур Савин 2021 жылдың тамызынан бастап С. Сейфуллин атындағы ҚАТЗУ Ғылым департаментінің директоры қызметін атқарды.

Ол Әл Фараби атындағы Қазақ ұлттық университетін бітірген. Биология ғылымдарының кандидаты.

2006-2008 жылдары Қазақ ұлттық аграрлық университетінің кіші ғылыми қызметкері болып жұмыс істеді.

2009-2011 жылдары - ҚР АШМ жанындағы Сұрыпты сынау жөніндегі мемлекеттік комиссиялардың агроөнеркәсіптік бөлімінің бас маманы.

2011-2014 жылдары - жүйелік жобаларды дамыту секторының менеджері, стратегия жөніндегі менеджер, "ҚазАгроИнновация" АҚ бас менеджері.

2014-2018 жылдары - С. Сейфуллин атындағы Қазақ агротехникалық университетінің ғылыми-зерттеу жобаларын дайындау жөніндегі маманы.

2018-2021 жылдары - ҰАҒБО Ғылым департаментінің бас менеджері.

Тимур Савин - ҚР АШМ 2021-2023 жылдарға арналған бағдарламалық-нысаналы қаржыландыру конкурсы шеңберінде "Қазақстанның әртүрлі топырақ-климаттық аймақтарында оларды орнықты өндіру үшін өсімдіктердің биотехнологиясы, генетикасы, физиологиясы және биохимиясы жетістіктері негізінде дәнді дақылдардың жоғары өнімді сұрыптарын құру" интеграцияланған ғылыми-техникалық бағдарламасының жетекшісі.