"БИК" шаруа қожалығы Павлодар облысының Ковалевка ауылында құны 3,1 млрд теңге болатын жобаны іске асыруда, онда премиум-сапалы сүт өнімдері шығарылатын болады. Бұл туралы baibolsyn.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.
"БИК" шаруа қожалығының 50 мың гектардан астам егістік алқабы бар, мал шаруашылығымен және өсімдік шаруашылығымен айналысады, ангус тұқымының етті малын өсіреді. Компания 2024 жылы роботтандырылған сүт-тауар фермасын пайдалануға беруді жоспарлап отыр.
"500 басқа арналған сүт-тауар фермасын салу жөніндегі инвестициялық жобаны іске асыру 2022 жылы басталды. Бүгінгі таңда жобаға инвестордың 900,0 млн. теңгеге жуық меншікті қаражаты салынды, СҚО тәжірибесін көбейту бағдарламасы аясында тағы 2,2 млрд. теңге алынды", — деді "БИК" шаруа қожалығының басшысы Қуаныш Баймағамбетов.
Бүгінгі таңда сиыр мен бұзау қорасы орнатылып, сендвич-панельдер орнатылуда, сондай-ақ жабдықты сатып алу туралы келісімге қол қойылды және голландиялық Lely компаниясының 6 роботына тапсырыс берілді.
Қуаныш Баймағамбетов дәл осы робот-сауыншыларды пайдалану жоғары сапалы және соматикалық жасушалары аз сүт алуға мүмкіндік беретін айтып бөлісті.
Бірінші кезеңде ақтөбелік "Айс" компаниясынан құнажындар сатып алынады, ал сауын мал басы 400 бас деңгейінде жоспарлануда.
2024 жылдың желтоқсанында құрылыс-монтаж жұмыстарын аяқтау жоспарланған, ал 2025 жылдың жазында фермада алғашқы сүт алынады.
