Қазақстанда су тасқынынан зардап шеккендерге материалдық қолдау көрсетіледі және жоғалған мүлік үшін өтемақы төленеді. Қолдау шаралары туралы үкіметте егжей-тегжейлі айтылды.
Ауыл шаруашылығы желісі бойынша өлген ауыл шаруашылығы жануарларының құнын өтеу көзделген. Өтемақы мөлшерін нарықтық деректер негізінде залалды анықтау жөніндегі өңірлік комиссия айқындайтын болады.
Қосымша үкімет фермерлер мен мал иелеріне несиелер мен лизингтік міндеттемелерді төлеу бойынша кейінге қалдыру түрінде жәрдем көрсетеді. Төлемдер кешіктірілген жағдайда айыппұлдар есептелмейді.
Сондай-ақ, Азық-түлік корпорациясынан мал иелерінің өтінімдері бойынша төлемді кейінге қалдыру шартымен жем тасымалдау ұйымдастырылуда. Өтінімдерді Азық-түлік корпорациясына немесе әкімдіктер арқылы ресми түрде беруге болады.
Бұдан басқа, су тасқынынан зардап шеккен шағын және орта бизнесті қолдау үшін залалды өтеу тәртібі әзірленді. Құжат жақын арада қабылданады. Жоғалған мүліктің (ғимараттың, құрылыстың, жабдықтың), тауарлық-материалдық құндылықтардың құны, бүлінген ғимараттар мен құрылыстарды қалпына келтіру жұмыстарының құны өтеуге жатады. Төлемдер мемлекеттік бюджет қаражатынан және өңірлердегі бюджеттен тыс қорлардан жүзеге асырылатын болады.
Қазіргі уақытта облыстардың әкімдіктері мен "Атамекен" өңірлік палаталары зардап шеккен ШОБ субъектілерінің тізімін қалыптастыру бойынша белсенді жұмыс жүргізуде, бағалау компанияларының, ШОБ қызметтерін көрсету үшін адвокаттардың тізбесін айқындап, залалдың алдын ала сомасын құруда.
"Атамекен" ҰКП-да 1432 жедел желісі жұмыс істейді.
Естеріңізге сала кетейік, Ауыл шаруашылығы министрлігінің мәліметінше, 16 сәуірдегі жағдай бойынша 7 035 бас мал өлімі расталған. Залалдың орнын толтыру жүргізілуде. Өтемақы алу үшін жергілікті әкімдіктер құрған залалды өтеу жөніндегі ресми комиссияларға өтінім беру қажет.
Қазақстан ауыл шаруашылығы министрлігі жанынан 17 сәуірден бастап су тасқыны мәселелері бойынша жедел желі жұмыс істейді: 8 (7172) 57 33 58, 8 747 094 3381. Желі 9:00-ден 18:30-ға дейін жұмыс істейді. Сондай-ақ, pavodki_kz_bot тәулік бойғы телеграмм-боты іске қосылады.
