Солтүстік Қазақстан облысында 100-ден астам сүт-тауар фермасы бар. Қазіргі уақытта тағы 19 ферманың құрылысы жүргізілуде, оның сегізі биыл пайдалануға беріледі деп жоспарлануда. Бұл туралы облыстық ауыл шаруашылығы және жер қатынастары басқармасынан хабарлады.
Өткен жылы өңірде жалпы саны 4,4 мың бас және өндіріс қуаты 22 мың тонна болатын алты СТФ іске қосылды. Ал соңғы алты жылда облыста жалпы саны 16 370 сиыр және қуаттылығы 81,8 мың тонна сүт өндіретін 32 сүт фермасы іске қосылды. Жобаларды іске асыруға 39,5 млрд теңгеден астам инвестиция салынды.
2023 жылы Солтүстік Қазақстан облысының жобаларды қаржыландыру бойынша тәжірибесі республика шеңберінде ауқымды болды. Ағымдағы жылы өңірде 7500 басқа арналған сегіз СТФ және сүт өндіру қуаты - 37,5 мың тонна пайдалануға беру жоспарлануда.
"Жобаларды іске асыру нәтижесінде соңғы бес жылда ұйымдасқан шаруашылықтарда сүт өндірісі 48,5% - ға немесе 86,3 мың тоннаға (178 мыңнан 264,3 мың тоннаға дейін) өсті, ал жалпы облыс бойынша сүт өндірісі 20,6%- ға немесе 114,5 мың тоннаға (555 мыңнан 669,5 мың тоннаға дейін) ұлғайды", - деп хабарлады ауыл шаруашылығы басқармасынан.
