Тауарлар
Қызметтер
Тасымалдау қызметі
ҚР-да мақта өсірілетін жалғыз өңір - Түркістан облысы. Өңірде 25 мыңға жуық шаруашылық мақта өсірумен айналысады. Жыл сайын жергілікті аграршылар 100 мың гектарға дейін мақта дақылдарын егеді, 2024 жылы 300 мың тоннадан астам өнім жиналды. Мұнда мақта-тоқыма кластерін құру бойынша ауқымды жұмыстар жүргізілуде.
Облыс әкімінің тапсырмасы бойынша мақта секторының проблемаларын шешу үшін 2023 жылы "Мақта шаруашылығын дамытудың және мақта-тоқыма кластерін қолдаудың 2027 жылға дейінгі Өңірлік жол картасы" бекітілді. 4 бағыт бойынша - егістерді әртараптандыру, тұқымдармен қамтамасыз ету, жаңа технологияларды енгізу, мақта кластерін құру бойынша ауқымды жұмыстар жүргізу жоспарланған. Сондай-ақ, 2027 жылға дейін 9 мақта кластерін құру жоспарланған, бұл мақта бағасына тәуелділікті жоюы керек.
"Түркістан мақта Агроөнеркәсіптік кешені" ЖШС-не бару барысында Айдарбек Сапаров облыстың мақта шаруашылығындағы зор әлеуетін атап өтіп, фермерлерді мақта шаруашылығын дамытуға, озық технологияларды пайдалана отырып, мақтаның элиталық сұрыптарын өсіруге шақырды", - деп хабарлады ҚР Ауыл шаруашылығы министрлігінің баспасөз қызметінен.
Сондай-ақ, Түркістан облысында мақта өнімділігін 2,5 есеге арттыруға мүмкіндік беретін жоба іске асырылды. Ол мақтаның элиталық сұрыптарын өсіруді және шикізатты терең өңдеуді қамтиды және мақта-тоқыма кластерін құру бойынша жұмыс аясында жүзеге асырылды. Жобаның құны - 141 млрд теңге. 4 мың адам тұрақты жұмыспен қамтылатыны хабарланады.
