Түркістан облысында мақта кластерін дамытуда

Қазақстанның оңтүстігінде мақта майын шығаратын зауыт ашылады. Бұл туралы baibolsyn.kz "АӨК жаңалықтары" баспасөз қызметіне сілтеме жасай отырып хабарлайды.

Түркістан облысының Сауран ауданында 2024 жылы "Қазтекс" ЖШС мақта өңдеу зауытының құрылысы басталды.

Бұл компания көптеген жылдар бойы мақта шаруашылығымен айналысады. Шетелдік серіктестерден қазіргі заманғы мақта өңдеу зауытын салу жөнінде ұсыныс түсті.

Бұл жобаның құны 1,5 млрд теңгені құрайды, ал өндірістік қуаттылығы - жылына 10 мың тонна мақта. Маусымдық кезеңдерде мұнда 150 адам, тұрақты негізде - 35 адам еңбек етеді.

Түркиядан электр энергиясын үнемдейтін және мақта талшығын сапалы ететін арнайы жабдықтар мен мақта өңдеу машиналары әкелінеді.

Зауыт 2024 жылдың қыркүйегінде ашылып, фермерлерден мақта қабылдай бастайды деп жоспарлануда. Ал 2025-2026 жылдары осы зауыттың жанында мақта майын өңдеу және өндіру цехын ашу жоспарланған.