Түркістан облысында түйіршіктелген құрама жем өндіретін зауыт салынуда

Nurym Group компаниясы Түркістан облысында құрама жем өндіру зауытының құрылысына инвестиция салуда. Бұл туралы baibolsyn.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.

Түйіршіктелген құрама жем өндіретін кәсіпорын толығымен автоматтандырылады, ал жобаның инвестициялық құны 2,5 млрд теңгені құрайды.

Зауыттың жылдық өндірістік қуаты 46 мың тоннаға дейін жетеді. Зауыт ірі қара мен ұсақ малға, сондай-ақ жылқыларға жемшөп шығарады деп жоспарлануда.

2024 жылдың көктемінде құрылыс басталды, ал қазіргі уақытта монтаждау жұмыстарының 60% - ы орындалды, жабдықтарды орнату және жөндеу жұмыстары жүргізілуде.
2024 жылдың соңында құрама жем зауытын пайдалануға беру жоспарланған.