Қазақстанда күнбағыс майын өндіру бойынша көшбасшы орынды Шығыс Қазақстан облысы алады. ШҚО-да өңделген ауыл шаруашылығы өнімі көлемінің 60% - дан астамын май саласы алады. Бұл туралы baibolsyn.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.
Шығыс Қазақстан облысында майлы дақылдарды қайта өңдеу саласында 12 кәсіпорын жұмыс істейді, оның ішінде 3 бөтелкедегі дезодорацияланған тазартылған күнбағыс майын өндірумен айналысады. Олармен 255 мың тонна өсімдік майын өндіру қамтамасыз етілді, бұл ҚР бойынша күнбағыс майының жалпы өндірісінің 38%, тазартылған май бойынша 52% құрады. Қазіргі уақытта майлы дақылдарды өңдеу саласындағы кәсіпорындардың жүктемесі 68% құрайды.
"ALTAI MAI" ЖШС жаңа май экстракциялық зауытының құрылысы аяқталып жатыр. Өндірістік қуаттылығы күніне 500 тоннаны құрайды, ал майлы дақылдарды қайта өңдеу бойынша жобаның құны 26 млрд теңгеден асады.
2025 жылдың желтоқсанында өңірде "Алтын Шығыс" ЖШС майды тазарту цехын пайдалануға беру жоспарлануда. Жобаның құны 8 млрд. теңгені құрайды.
2024 жылы зығыр, күнбағыс, рапс және соя егістік алқаптары 223 мың гектарды құрады, бұл 2023 жылмен салыстырғанда 13 мың гектарға артық. Тиісінше 2024 жылы майлы дақылдардың жалпы түсімінің өткен жылғы деңгейге қарағанда 67,3 мың тоннаға ұлғаюы болжанып отыр.
"Азық-түлік корпорациясы" ҰК" АҚ қатысуымен өңірде күнбағыс майын үшжақты форвардтық сатып алу бойынша пилоттық бағдарлама іске асырылуда. Бұл механизм көктемгі егіс жұмыстарын қайта өңдеушілер арқылы жүргізу үшін ауыл шаруашылығы тауарын өндірушілерді қаржыландыруға мүмкіндік береді. Осы бағдарлама шеңберінде «OskemenAgroProdukt» ЖШС азық-түлік корпорациясы арқылы 91 мың литр (380 тг/л) көлемінде күнбағыс майын жеткізу үшін 34,6 млн.теңге сомасына қаржыландырылды, - деп мәлімдеді ҚР Ауыл шаруашылығы министрлігінің баспасөз қызметінде.
"OskemenAgroProdukt" компаниясы осы бағдарламаға қатысу үшін құны 670 млн. теңге болатын инвестициялық жобаны іске асыруда. Тазарту (дезодорация) цехы мен құю желісін іске қосу 2024 жылдың күзіне жоспарланған.
