Тауарлар
Қызметтер
Тасымалдау қызметі
Жамбыл облысында қытайлық Wanlin Group Limited сарымсақ пен пиязды өңдеу зауытының құрылысын жүзеге асыруды жоспарлап отыр.
Ауыл шаруашылығы министрі Ербол Қарашөкеев Мәжілістегі Үкімет сағатында Қазақстан өкілдері Wanlin Group Limited қытайлық ірі компаниясымен келіссөздер жүргізгенін хабарлады. Осы келіссөздерге сәйкес сусыздандырылған көкөністер, атап айтқанда сарымсақ пен пияз шығаратын зауыт салу туралы келісімге қол жеткізілді. Бұл жоба Жамбыл облысында — пияз өндірісі бойынша көшбасшы өңірде іске асырылатын болады.
Бұл жобаны 5 жыл бойы 3 кезеңде іске асыру жоспарлануда. Жобаның болжамды қуаты - жылына 5-7 мың тонна сублимациялық пияз және сарымсақ, ал инвестиция көлемі 30 млн доллар.
«Инвестор Жамбыл облысының үш ауданында пиязды пилоттық отырғызып үлгерді, егінді сынау нәтижелері күтілуде», — деді ведомство басшысы.
Сондай-ақ, ведомствода ағымдағы 2023 жылы болжамды қуаттылығы 104 мың тонна болатын 93,3 млрд теңге сомасына жемістер мен көкөністерді өндіру бойынша 30-ға жуық жобаны іске асыру жоспарланғанын хабарлады.
