Жетісуда қант қызылшасы үшін субсидия төлеуді аяқтады

Облыста Жетісу аграрларына қант қызылшасын өңдеуге тапсырғаны үшін 14 млрд теңге көлемінде субсидиялар толық төленді. Зауыттар таза салмақта 560 мың тонна тамыр дақылдарын қабылдады, деп хабарлады облыс әкімінің баспасөз қызметі.

Сонымен қатар, осы кезеңде Ақсу және Көксу қант зауыттары фермерлерге шикізат үшін 8,4 млрд теңге төледі.

Аграрлардың айтуынша, қазіргі уақытта облыста көктемгі егіс жұмыстарына дайындық жүргізілуде: техника жөнделуде, тұқымға тапсырыс берілді.

"Жыл сайын біз кем дегенде 100 гектар жерге қант қызылшасын егеміз. Биыл біз қант қызылшасы, жүгері, соя сияқты бірнеше дақыл егуді жоспарлап отырмыз. Сондай-ақ бізде көктемгі дала науқанын өткізуге жеңілдікті бағамен жанар-жағармай материалдарын сатып алуға қаражат дайындалды", - деді Көксу ауданының "Кең дала" шаруа қожалығының басшысы Қалибек Алпысбаев.

Әкімдіктің мәліметінше, 2024 жылы Жетісу облысында қант қызылшасының егіс алқабы 13,7 мың гектарды құрады. 635 мың тонна өнім алынды, орташа өнімділік 465 ц/га құрады. Алынған жалпы көлемнің 5 мың тоннасы ауыл шаруашылығы жануарларын азықтандыруға жіберілді, ал қалған 630 мың тоннасы зауыттарға қайта өңдеуге тапсырылды, бұл ретте таза салмағы 560 мың тоннаны құрады.