Солтүстік Қазақстан облысының прокуроры талдау жүргізу кезінде ветеринария саласындағы елеулі бұзушылықтарды анықтады. Ветеринариялық қызметтер ветеринариялық құжаттарды беру және жануарларды вакцинациялау тәртібін бұзған, сондай-ақ ірі қара малға диагностикалық зерттеулер толық көлемде жүргізілмеген. Бұл туралы прокуратураның баспасөз қызметі хабарлады.
"Ветеринариялық құжаттарды (ет өнімдеріне арналған ветеринариялық анықтамалар және вакцинация актілері) қолдан жасау фактілері анықталды, олар бойынша Қылмыстық кодекстің 385-бабы бойынша сотқа дейінгі төрт тергеу басталды", - деп хабарлады қадағалау ведомствосында.
Сондай-ақ, аудан әкімдіктері мал қорымдарын тиісті деңгейде ұстауды қамтамасыз етпегені анықталды.
Сонымен қатар, өңірде арнайы сою пункттерінде емес, жеке аулаларда жануарларды сою тәжірибесі жалғасуда.
Қадағалау органының актісі бойынша 24 лауазымды тұлға, оның ішінде ветеринария басқармасының басшысы тәртіптік жауапкершілікке тартылды. Өңірде жіберілген бұзушылықтарды жою және ветеринария саласындағы жағдайды жақсарту бойынша кешенді жоспар әзірленді.
Уәкілетті органдар малды белгіленбеген жерлерде сойғаны үшін адамдарды әкімшілік жауаптылыққа тартуды көздеп отыр.
