Бүгін 30 маусым күні ауыл шаруашылығы министрінің және премьер-министрдің орынбасары - Қаржы министрінің Қазақстан аумағынан ірі қара мен ұсақ мал басын әкетуге тыйым салу туралы бұйрығы 6 ай мерзімге күшіне енді.
Естеріңізге сала кетейік, бұған дейін 23 маусымда Ауыл шаруашылығы министрлігі 60 мың бұқа басының санында тірі ІҚМ (СЭҚ ТН коды 0102) Қазақстан аумағынан әкетуге 6 айға сандық шектеулер енгізген болатын, оның ішінде:
- бордақылау алаңдары үшін - 30 мың бас;
- тауар өндірушілер үшін - 30 мың бас.
Сондай-ақ, ел аумағынан әкетуге сандық шектеулер тірі қой мен ешкіге (СЭҚ ТН коды 0104) 120 мың бас қой, оның ішінде:
- бордақылау алаңдары үшін - 30 мың бас;
- тауар өндірушілер үшін - 90 мың бас.
Бір бордақылау алаңына лимиттер белгіленді:
Айта кету керек, соңғы жылдары көрші елдерде тірі малға сұраныс жоғары болды және бұл малды шетелге белсенді әкетуге түрткі болды. Бұл ретте экспорттың үлкен көлемі мемлекеттің мал шаруашылығы мен қайта өңдеу салаларын дамыту жөніндегі барлық күш-жігеріне теріс әсер етуі мүмкін.
Естеріңізге сала кетейік, бұған дейін де қолданыста болған осындай тыйымдар малдың барлық түрлері бойынша аналық мал санының өсуінде оң динамикаға қол жеткізуге көмектесті. Сондықтан бұл ұсынылған шаралар бірінші кезекте Қазақстанның мал шаруашылығы саласын дамыту үшін қажет.
Айта кету керек, 2023 жылдың 1 қаңтарында ет өңдеу көлемі 176,7 мың тоннаға дейін өсті, бұл 7,7% – ға, сондай-ақ ірі қара мал басы 2,5% - ға, оның ішінде сиырлар 6,3% - ға, қойлар 2,3% - ға өсті, бұл тиісінше елдің ішкі нарығының етпен қамтамасыз етілуіне оң әсерін тигізді.
