ҚР үш өңірінде "Кен дала 2" бағдарламасы бойынша егін жинауға несие беріле бастады

Өсімдік шаруашылығымен айналысатын Шығыс Қазақстан, Батыс Қазақстан және Павлодар облыстарының фермерлері "Кен дала 2" бағдарламасы бойынша егін жинау жұмыстарына әлеуметтік-кәсіпкерлік корпорациялардан несие ала алады. Бұл туралы Аграрлық несие корпорациясының баспасөз қызметі хабарлады.

"Кең дала 2" көктемгі егіс және егін жинау жұмыстарын қаржыландыру бағдарламасы ағымдағы жылдың көктемінде іске қосылды. Жаңа бағдарламада қарыз алушылар үшін жылдық 5% деңгейінде жеңілдікті сыйақы мөлшерлемесі қамтамасыз етілген.

"Бұған дейін фермерлер пайыздық мөлшерлемені қысқарту және субсидия алу үшін жергілікті ауыл шаруашылығы басқармаларына жүгінуге, жаңа міндеттемелерге қол қоюға, ақшалай қаражаттың бөлінуін күтуге мәжбүр болды, бұл олардың қаржылық әл-ауқатына қатты әсер етті. Енді бұл қажет емес. Осы өнім аясында Корпорация тиісті мемлекеттік субсидиялау Ережелеріне өзгерістер енгізуге бастамашы болды, соның арқасында фермерлер үшін барынша тиімді және ыңғайлы жағдайлар жасалды", - деп хабарлады АНК-да.

Сонымен қатар, биыл "Даму" қоры шаруаларға қарыз сомасының 85% мөлшерінде кепілдік бере бастады.

АНК деректері бойынша, ағымдағы жылы "Кең дала" және "Кең дала 2" бағдарламалары бойынша көктемгі егіс және егін жинау жұмыстарын қаржыландыруға 320 млрд теңгеден астам қаражат жұмсалды.