Тауарлар
Қызметтер
Тасымалдау қызметі
«Ауыл шаруашылығы жануарларын бірдейлендіру» ақпараттық жүйесіндегі «Процессингтік орталық» модулі шілде айында Қазақстанның үш өңірінде – Ақмола, Қызылорда және Қостанай облыстарында пилоттық режимде іске қосылды. Осы функционал арқылы жануардың жеке нөмірі (ЖЖН) және құлақ биркалары беріледі. Бұл туралы ветеринарлық бақылау және қадағалау комитетінің баспасөз қызметі хабарлады.
«Бұл шара ЖЖН-нің қайталануын болдырмауға, облыстардағы құлақ биркаларының жұмсалуын бақылауға, жануарларды сәйкестендіру үшін эмиссиялық нөмірлерді алудың ұзақ рәсімін болдырмауға бағытталған, сондай-ақ қағаз форматын алып тастауға, жұмысты жеңілдетуге және процесті автоматтандыруға мүмкіндік береді», - деп хабарлады Комитет.
Пилоттық жоба 2023 жылдың 1 қазанына дейін жалғасады.
Бұған дейін Ақтөбе облысында ЖЖН және құлақ биркаларын беруге арналған "Процессингтік орталық" іске қосылған болатын.
Комитет ветеринариялық пункттердің, аудандық ветеринариялық станциялардың және мемлекеттік ветеринариялық-санитариялық инспекторлардың дәрігерлері үшін пилоттық жобаны іске қосу кезінде оқыту семинары өткізілгенін хабарлады.
