Солтүстік Қазақстан облысындағы ауыл шаруашылығы өндірістік кооперативінің басшысы сүт өңдеушілерді қолдауға арналған 50 млн теңгеден астам сомаға субсидияларды заңсыз алған. Қаржы мониторингі агенттігінің СҚО бойынша департаменті қаражатты ұрлау схемасын анықтады.
"Өндірістік кооперативтің басшысы 2019 жылдың мамырынан 2020 жылдың наурызына дейін жалған құжаттарды пайдалана отырып, сүт өнімдерін өңдеуге арналған субсидияларға мемлекет бөлген 50 млн теңгеден астам қаражатты заңсыз алған. Шығындарды растау үшін АШҚ-да жеке кәсіпкерлерден шикі сүтті сатып алу туралы өзара есеп айырысу бойынша жалған құжаттар және сары май өндірісі туралы көрінеу жалған мәліметтер ұсынылды", - деп хабарлады Қаржы мониторингі агенттігінің баспасөз қызметінде.
Ведомствоның мәліметінше, сот сүтті жеткізу жөніндегі мәмілелерді жарамсыз деп таныған.
"Жүргізілген қаржылық тергеу барысында күдіктілерге заңсыз алынған субсидияларға TOYOTA LAND CRUISER PRADO 150 маркалы автокөлігі сатып алынғаны анықталды, ол ықтимал тәркілеуден жасыру мақсатында сенімді тұлғаға ресімделген. Соттың санкциясымен аталған автокөлікке тыйым салынды", - деп хабарлады ҚМА-де.
Күдіктіге қатысты сот екі ай мерзімге қамауға алу түріндегі бұлтартпау шарасын да тағайындады.
