Қазақстанда сүт фермаларын салуға 100 млрд теңге бөлінеді

Республикалық бюджет комиссиясы Ауыл шаруашылығы кәсіпорындарын жеңілдікпен қаржыландыру бойынша Солтүстік Қазақстан облысының тәжірибесін таратуға 100 млрд теңге бөлуді мақұлдады. Премьер-министрдің орынбасары – Сауда және интеграция министрі Серік Жұманғариннің төрағалығымен өткен кеңесте аталған қаражатты сүт-тауар фермаларын салу жобаларын қаржыландыруға жіберу ұсынылды. Бұл туралы Сауда министрлігінің баспасөз қызметі хабарлады.

СҚО тәжірибесі бойынша республикада үлкен жобаны іске асыру жоспарлануда, оның міндеті ішкі нарықты қанықтыру үшін әлеуметтік маңызы бар азық-түлік өнімдерін өндіруді қамтамасыз ету және ауылда жаңа тұрақты жұмыс орындарын құру. Жеңілдетілген қаржыландыру тетігінің арқасында екі жыл ішінде Солтүстік Қазақстанда 21 сүт-тауар фермасы салынды. Нәтижесінде бүгінде шамамен 648 мың тонна сүт немесе ел бойынша өндірістің 10,3% СҚО өндіреді. Үлкен жобаның мақсаты — сүт-тауар фермалары (400 бастан бастап), көкөніс сақтау қоймасы (1000 тоннадан бастап), ет бағытындағы құс фабрикасы (жылына 5 мың тоннадан бастап), сондай-ақ балық өсіру жобалары.

Ауыл шаруашылығы вице-министрі Рүстем Құрмановтың айтуынша, 28 ақпандағы республикалық бюджет комиссиясы отырысының қорытындысы бойынша осы бағдарламаны іске асыруға 100 млрд теңге сомасында бюджеттік несие бөлу мақұлданды. Бағдарламаны іске асыруды нормативтік қамтамасыз ету үшін ауыл шаруашылығы министрлігі несиелеу тәртібі мен шарттарын бекіту үшін бұйрық жобасын әзірледі. Бұл сенім білдірілген өкіл (агент) арқылы 10 жылға дейінгі несие 2,5% - бен, ең жоғары сомасы 5 млрд теңгеге дейін және негізгі борыш бойынша 24 ай жеңілдікті кезеңмен берілетін болады.

Кеңес қорытындысы бойынша Серік Жұманғарин Ауыл шаруашылығы министрлігіне әкімдіктермен бірлесіп іске асыруға неғұрлым дайын және белгілі бір инфрақұрылымы бар жобалар пұлын тағы бір рет қайта қарауды тапсырды.