Қазақстанда БҰҰ Даму Бағдарламасының (БҰҰДБ) қолдауымен ҚР Ауыл шаруашылығы министрлігімен бірлесіп, Солтүстік Қазақстан облысынан екі кәсіпорын биомассадан брикеттер өндіру үшін грант иеленді. Бұл туралы "Атамекен" Ұлттық кәсіпкерлер палатасында хабарлады.
Грант алушылар Asia Wood's ЖШС және "Жақыпов" ШҚ болды. Кәсіпкерлер ауыл шаруашылығы мен ағаш өңдеу қалдықтарын пайдалана отырып, отын брикеттерін шығаруды жоспарлап отыр. БҰҰДБ гранттары жабдықты сатып алу және орнату шығындарын ішінара өтеуді көздейді.
Жыл сайын Қазақстанда коммуналдық-тұрмыстық қажеттіліктерге шамамен 11,3 млн тонна көмір пайдаланылады. Қатты отынды пайдалану ауыр металдар мен парниктік газдардың шығарылуына әкеледі. Сонымен қатар, ауылшаруашылық қалдықтарын биомасса ретінде пайдалану жылумен қамтамасыз етудің балама технологиясы болып табылады. Биомасса жанған кезде зиянды заттар бөлінбейді, іс жүзінде түтін болмайды және көмірмен салыстырғанда күлдің пайызы айтарлықтай төмен. Дәнді дақылдардың қолда бар сабан қорын, сондай-ақ ағаш өңдеуді дамытуды ескере отырып, Қазақстанда осындай өндіріс үшін үлкен шикізат базасы бар.
"Солтүстік және Шығыс Қазақстанда ауыл шаруашылығы саласы мен ағаш өңдеу қалдықтарының жеткілікті көлемі бар. Қазақстанда отын брикеттерін өндірудің қолда бар әлеуеті бойынша көрсеткіштерге сүйене отырып, елдегі отын брикеттерін өндіруді дамытудың әлеуметтік және экологиялық тиімділігін атап өту қажет. Қазақстанда биоотын өндіруге барлық қажетті мүмкіндіктер бар", - деп атап өтті"Атамекен" ҰКП АӨК және тамақ өнеркәсібі департаментінің басқарушы директоры-директоры Ерден Наурызбеков.
Жалпы, БҰҰДБ бастамасы таза, баламалы отынды пилоттауға бағытталған. Бастама сонымен қатар гендерлік аспектіге ие және әйелдердің энергия ресурстарына қолжетімділігін жақсартуға, сондай-ақ олардың мүмкіндіктерін кеңейтуге бағытталған.
