Сауда және интеграция министрлігі, Ауыл шаруашылығы министрлігі, Құс өсірушілер одағы, Жұмыртқа өндірушілер қауымдастығы және Сауда желілері одағы жұмыртқа бағасын тұрақтандыру бойынша ынтымақтастық туралы меморандумға қол қойды. Сонымен қатар, мемлекеттік органдар жұмыртқа импортына шектеулер енгізу мәселесін қарастыратынын айтты. Бұл туралы Сауда министрлігінің баспасөз қызметі хабарлады.
"Жасалған Меморандум аясында Құс өсірушілер одағы мен Қауымдастық құс фабрикаларының қоймаларынан, сондай-ақ өздерінің фирмалық дүкендерінен сату бағасының тұрақтылығын қамтамасыз ету бойынша міндеттеме алды. Өз кезегінде, Сауда желілері одағы сауда желілерінің қолданыстағы заңнамаға сәйкес шекті сауда үстемесінің мөлшерін сақтауын қамтамасыз етеді және осы санаттағы жұмыртқаларды сату бойынша сыйақыны өндіріп алу фактілеріне жол бермейді", - деп хабарлады Сауда министрлігі.
Ведомствоның мәліметінше, Ауыл шаруашылығы министрлігі жергілікті өндірушілерді қорғау үшін азық-түлік жұмыртқасын әкелуге шектеу қою мәселесін қарастырады. Сондай-ақ Сауда және интеграция министрлігімен бірлесіп АШМ сұр импортталған тағамдық жұмыртқаны сатуға жол бермеу жөнінде бақылау шараларын қабылдайды, оларды айналымнан алу қамтамасыз етіледі.
