Қазақстанда құны $200 млн астықты терең өңдеу зауыты іске қосылады

Түркиялық Тiryaki Agro компаниясы жобаға $200 млн инвестициялай отырып, Қазақстанда дәнді және бұршақ дақылдарын терең өңдеу зауытын салуды жоспарлап отыр. Бұл туралы KAZAKH INVEST. ұлттық компаниясы хабарлайды.

KAZAKH INVEST-те Tiryaki Agro бас директоры Сүлейман Тирякиоглумен кездесуде зауыт салу жоспарлары талқыланды. Оның айтуынша, түрік компаниясы нарықты талдаудың инвестициялық процесін аяқтап үлгерді және бірінші кезеңде зауыт құрылысына шамамен $200 млн инвестиция салуды жоспарлап отыр.

Бастапқы кезеңде "тірі" балауызды – жылына 22 мың тонна, крахмалды – жылына 110 мың тонна, кейіннен глюкоза, фруктоза, глютен және ақуыз өндіру жоспарлануда.

Қазақстанның орналасуын ескере отырып, Tiryaki Agro өңдеу деңгейі жоғары өнімдерді экспорттаудың үлкен әлеуетін көреді.

KAZAKH INVEST Басқарма төрағасының м.а. Жандос Темірғали тәуелсіздік жылдарында $2,8 млрд сомасына 65-тен астам жобаны іске асыра отырып, Түркия Қазақстанның маңызды серіктесі болып табылатынын атап өтті. Бүгінде Қазақстан агроөнеркәсіптік салада қайта өңдеу деңгейі жоғары жобаларға мүдделі.

Tiryaki Agro - айналымы $2,5 млрд-тан асатын, бұршақ, дәнді дақылдар, жаңғақтар, майлы дақылдар сияқты ауыл шаруашылығы өнімдерін өңдеумен және өткізумен, сондай-ақ мал азығы мен органикалық өнімдер өндірумен айналысатын жетекші түрік компаниясы. Компания Түркияда ТМД, Таяу Шығыс және Солтүстік Америка елдерінде қызмет атқарады. Tiryaki өз өнімдерін әлемнің 80 еліне экспорттайды.